കോൺഗ്രസുമായി സഖ്യമില്ല. മഹാസഖ്യത്തിനില്ലെന്ന് മായാവതി.

0
403

ന്യൂഡൽഹി: അഭ്യൂഹങ്ങള്‍ക്കും ആശങ്കകള്‍ക്കും വിരാമമിട്ട് കോൺഗ്രസിനൊപ്പം സഖ്യത്തിനില്ലെന്ന് തുറന്നടിച്ച് ബിഎസ്‍‍പി അധ്യക്ഷ മായാവതി. മധ്യപ്രദേശിലും രാജസ്ഥാനിലും ഛത്തീസ്‍‍ഗഡിലും തനിച്ച് മത്സരിക്കുമെന്ന് വ്യക്തമാക്കിയ മായാവതി കോൺഗ്രസ് നേതാവ് ദ്വിഗ്‍‍വിജയ് സിങ് ആര്‍എസ്എസ് ഏജന്‍റാണെന്നും ആരോപിച്ചു. ലോക്സഭാ തെരഞ്ഞെടുപ്പ് മുന്നിൽക്കണ്ട് മഹാസഖ്യം രൂപീകരിക്കുന്ന കോൺഗ്രസിന് വൻ തിരിച്ചടിയാണ് മായാവതിയുടെ തീരുമാനം.

സീറ്റ് വിഭജന ചര്‍ച്ചകളിൽ ഉള്‍പ്പെടെ ബിഎസ്‍‍പിയുമായി ഉണ്ടായിരുന്ന വിയോജിപ്പ് പരിഹരിക്കാനായിരുന്നു മുതിര്‍ന്ന നേതാവ് ദ്വിഗ്‍‍വിജയ് സിങിനെ കോൺഗ്രസ് ചുമതലപ്പെടുത്തിയത്. എന്നാൽ ദ്വിഗ്‍‍വിജയ് ബിഎസ്‍‍പിയെ തകര്‍ക്കാൻ ശ്രമിക്കുകയാണെന്നായിരുന്നു മായാവതിയുടെ ആരോപണം.

ദ്വിഗ്‍‍വിജയ് സിങിനെപ്പോലെയുള്ള നേതാക്കള്‍ക്ക് കോൺഗ്രസ് – ബിഎസ്‍‍പി സഖ്യത്തിൽ താത്പര്യമില്ലെന്നും അവര്‍ സിബിഐ, ഇഡി തുടങ്ങിയ അന്വേഷണ ഏജൻസികളെ ഭയപ്പെടുകയാണെന്നും മായാവതി ആരോപിച്ചു. മായാവതിയ്ക്ക് കേന്ദ്രത്തിൽ നിന്നുള്ള സമ്മര്‍ദ്ദം മൂലമാണ് സഖ്യത്തിൽ താത്പര്യമില്ലാത്തതെന്നാണ് ദ്വിഗ്‍‍വിജയ് സിങ് പ്രചരിപ്പിക്കുന്നതെന്നും അത് അടിസ്ഥാനരഹിതമാണെന്നും മായാവതി പറ‍ഞ്ഞു.

സോണിയ ഗാന്ധിയ്ക്കും രാഹുലിനും ബിഎസ്‍‍പിയുമായി സഖ്യമുണ്ടാക്കാൻ അതിയായ ആഗ്രഹമുണ്ട്. എന്നാൽ ചില കോൺഗ്രസ് നേതാക്കളാണ് അതിന് തടയിടുന്നതെന്ന് മായാവതി പറഞ്ഞു. ബിജെപിയെ തകര്‍ക്കാൻ കഴിയുമെന്ന അമിത ആത്മവിശ്വാസം കോൺഗ്രസിനുണ്ടെന്നും എന്നാൽ യാഥാര്‍ത്ഥ്യം അകലെയാണെന്ന് നേതാക്കള്‍ മനസ്സിലാക്കണമെന്നും മായാവതി പറഞ്ഞു.


ദ്വീപ് മലയാളി ടെലഗ്രാംവാട്‌സാപ്പ് എന്നിവയിലൂടേയും ഫോളോ ചെയ്യാം... വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

ഏറ്റവും പുതിയ വാർത്തകൾ അറിയാൻ ദ്വീപ് മലയാളി ആപ്പ്‌ ഡൗൺലോഡ് ചെയ്യുക

LEAVE A REPLY

Please enter your comment!
Please enter your name here