കൊവിഡ് മഹാമാരി നിങ്ങളുടെ ജീവിതത്തെ എങ്ങിനെ മാറ്റിമറിച്ചു? കവരത്തി ചൈൽഡ് ലൈൻ പ്രവർത്തകർ ചിത്രരചനാ മത്സരം സംഘടിപ്പിക്കുന്നു.

കവരത്തി: അനുഭവങ്ങളോരോന്നും പുതിയ പാഠങ്ങളാണ് സമ്മാനിക്കുന്നത്. ഇന്ന് നാം കടന്നു പോയികൊണ്ടിരിക്കുന്നത് ഇതുവരെ നാം കാണാത്ത, അറിയാത്ത ഒരു ജീവിത സാഹചര്യത്തിലൂടെയാണ്. ഈ സാഹചര്യങ്ങൾ നമ്മളെ ഒരുപാട് കാര്യങ്ങൾ പഠിപ്പിച്ചിട്ടുണ്ട്. അതിൽ കൂടുതൽ പല പുതിയ കാര്യങ്ങളും നാം പഠിച്ചെടുത്തിട്ടുണ്ട്. കഴിഞ്ഞുപോയ ഓരോനിമിഷവും ഓരോ ഓർമകളാണ് ആ ഓർമ്മകളെ എന്നും കൂടെ നിർത്താൻ അതൊരു ചിത്രമാക്കിയാലോ?

കവരത്തി ദ്വീപിൽ ഇപ്പോൾ താമസിക്കുന്ന 8 മുതൽ 17 വയസ്സ് വരെ പ്രായമുള്ള കുട്ടികൾക്കായി ചൈൽഡ് ലൈൻ കവരത്തി ഓർമകളെ ചിത്രമാക്കുവാൻ “Chill Draw” എന്ന പ്രമേയത്തിൽ ഇതാ ഒരു അവസരം ഒരുക്കുന്നു. “കോവിഡ്19 നിങ്ങളുടെ ജീവിതത്തെ എങ്ങനെയാണ് മാറ്റിയിരിക്കുന്നത്” (How Covid19 changed your life ) എന്ന വിഷയത്തിൽ ചിത്രരചനാ മത്സരം സംഘടിപ്പിക്കുന്നു. കുട്ടികൾ വരച്ച ചിത്രങ്ങൾ ജൂൺ 5 മുതൽ 15 വരെയുള്ള ദിവസങ്ങളിൽ ഞങ്ങളുടെ വാട്സ്ആപ് നമ്പറിൽ (+91 9400 497 823) അയക്കാവുന്നതാണ്. തിരഞ്ഞടുക്കുന്ന ചിത്രങ്ങൾക്ക് സമ്മാനങ്ങൾ നൽകുന്നതാണ്. പേര്, രക്ഷിതാക്കളുടെ പേര്, പൂർണവിലാസം, വയസ്സ്, സ്കൂളിന്റെ പേര്, ക്ലാസ് എന്നീ വിവരങ്ങൾ കൂടി അയച്ചു തരണമെന്ന് കവരത്തി ചൈൽഡ് ലൈൻ പ്രവർത്തകർ അറിയിച്ചു.