ആന്ത്രോത്ത് എസ്.എസ്.എഫിന്റെ ആഭിമുഖ്യത്തിൽ വിദ്യാർത്ഥികൾക്കായി എക്സലൻസി ടെസ്റ്റ് സംഘടിപ്പിച്ചു.

ആന്ത്രോത്ത്: എസ്.എസ്.എൽ.സി, ഹയർ സെക്കൻഡറി വിദ്യാർത്ഥികൾക്കായി വിസ്ഡം എഡ്യൂക്കേഷൻ ഫൗണ്ടേഷൻ ഓഫ് ഇന്ത്യയുടെയും എസ്.എസ്.എഫ് ആന്ത്രോത്ത് സെക്ടർ കമ്മിറ്റിയുടെയും സംയുക്താഭിമുഖ്യത്തിൽ എക്സലൻസി ടെസ്റ്റ് സംഘടിപ്പിച്ചു. ആന്ത്രോത്ത് മഹാത്മാ ഗാന്ധി സീനിയർ സെക്കൻഡറി സ്കൂളിലെയും ഗവൺമെന്റ് ഗേൾസ് ഹയർ സെക്കണ്ടറി സ്കൂളിലെയും 90 % വിദ്യാർത്ഥികളും ടെസ്റ്റിൽ പങ്കെടുത്തതായി സംഘാടകർ അറിയിച്ചു. പരീക്ഷയ്ക്ക് പങ്കെടുത്ത മുഴുവൻ വിദ്യാർഥികൾക്കും എസ്.എസ്.എഫ് ഭാരവാഹികൾ വിജയാശംസകൾ അറിയിച്ചു. ടെസ്റ്റ് നടത്തുന്നതിന് സഹായിച്ച എം.ജി.എസ്.എസ്.എസ് പ്രിൻസിപ്പൽ ശ്രീ.ജോണി തോമസ്, ജി.എസ്.എസ്.എസ് ഹെഡ്മാസ്റ്റർ ശ്രീ.എൻ.പി.മുഹമ്മദ് ഖാസിം എന്നിവർക്ക് എസ്.എസ്.എഫ് ഭാരവാഹികൾ നന്ദി അറിയിച്ചു.