കടൽ അടങ്ങുന്നില്ല; ബിത്രയിൽ തിമിംഗലത്തിന്റെ ജഡം കരക്കടുത്തു

ബിത്ര: കനത്ത കാറ്റിലും മഴയിലും ലക്ഷദ്വീപിലെ എല്ലാ ദ്വീപുകളിലും കടൽക്ഷോഭം അനുഭവപ്പെടുകയാണ്. കനത്ത നാശനഷ്ടമാണ് വിവിധ ദ്വീപുകളിൽ നിന്നും റിപ്പോർട്ട് ചെയ്യപ്പെടുന്നത്. മരങ്ങളും തെങ്ങുകളും വ്യാപകമായി കടപുഴകി വീണു. കടൽക്ഷോഭം കാരണം ജെട്ടികൾക്ക് സാരമായ കേടുപാടുകൾ സംഭവിച്ചു.

ഇനിയും കടൽ അടങ്ങുന്നില്ല. കേരളത്തിലും മഴ മൂലം ധാരാളം നാശനഷ്ടങ്ങൾ ഉണ്ടായിട്ടുണ്ട്. 15 പേർ ഇതുവരെ മരണപ്പെട്ടതായി പ്രമുഖ മാധ്യമങ്ങൾ റിപ്പോർട്ട് ചെയ്യുന്നു. ഏറ്റവും ഒടുവിൽ ഇതാ തിമിംഗലം വരെ ചത്തുപൊങ്ങിയിരിക്കുന്നു. ബിത്രയിലെ ലഗൂണിലാണ് തിമിംഗലത്തിന്റെ ജഡം കരക്കടുത്തത്.

കാലാവസ്ഥ ഇനിയും കനക്കും എന്നാണ് കാലാവസ്ഥാ നിരീക്ഷണ കേന്ദ്രം നൽകുന്ന മുന്നറിയിപ്പ്.