ന്യൂഡല്‍ഹി: കൊറോണ വൈറസിനെ പ്രതിരോധിക്കാന്‍ “അസാധാരണ ഉപദേശം’ നല്‍കി കേന്ദ്ര ആരോഗ്യ സഹമന്ത്രി അശ്വിനി കുമാര്‍ ചൗബേ. വൈറസിനെ അകറ്റാന്‍ സൂര്യപ്രകാശം ഏറ്റാല്‍ മതിയെന്ന് മന്ത്രി പറഞ്ഞു. കൊറോണയുമായി ബന്ധപ്പെട്ട് ജനപ്രതിനിധികള്‍ അശാസ്ത്രീയവും അന്യായവുമായ പ്രസ്താവനകള്‍ നടത്തരുതെന്ന് പ്രധാനമന്ത്രി നരേന്ദ്ര മോദി മുന്നറിയിപ്പു നല്‍കിയതിനു പിന്നാലെയാണ് ചൗബെയുടെ പ്രസ്താവന.
രാവിലെ 11നും ഉച്ചയ്ക്കു രണ്ടിനും ഇടയില്‍ സൂര്യന്‍റെ വെയിലിന് നല്ല ചൂടാണ്. ആ സമയത്ത് നമ്മള്‍ 15 മിനിറ്റോളം വെയിലത്തിരുന്നാല്‍ വിറ്റാമിന്‍ ഡിയുടെ അളവ് കൂടും.
അത് പ്രതിരോധശേഷി വര്‍ധിപ്പിക്കും. കൊറോണ പോലുള്ള വൈറസുകളെ കൊല്ലുമെന്നും കേന്ദ്രമന്ത്രി പറഞ്ഞു.
നേരത്തെയും വിവാദ ‘ആരോഗ്യ’ ഉപദേശങ്ങളുമായി കുമാര്‍ ചൗബേ രംഗത്തെത്തിയിട്ടുണ്ട്. ക്യാന്‍സര്‍ മാറാന്‍ ഗോമൂത്രം കുടിച്ചാല്‍ മതി. മുന്‍ പ്രധാനമന്ത്രി മൊറാള്‍ജി ദേശായി പോലും ഗോമൂത്രം കുടിച്ചിരുന്നതായും ചൗബേ പറഞ്ഞിരുന്നു.
#WATCH Union Minister of State for Health and Family Welfare Ashwini Kumar Choubey: People should spend at least 15 minutes in the sun. The sunlight provides Vitamin D, improves immunity and also kills such (#Coronavirus) viruses. pic.twitter.com/F80PX6VOmy
— ANI (@ANI) March 19, 2020
ദ്വീപ് മലയാളി ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം... വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഏറ്റവും പുതിയ വാർത്തകൾ അറിയാൻ ദ്വീപ് മലയാളി ആപ്പ്‌ ഡൗൺലോഡ് ചെയ്യുക
