ഉയർന്ന നാല് തസ്തികകളിൽ എൽ.ഡി.സി.എൽ നിയമനം നടത്തുന്നു. ഇപ്പോൾ അപേക്ഷിക്കാം.

കവരത്തി: ലക്ഷദ്വീപ് ഡവലപ്മെന്റ് കോർപറേഷനിൽ (എൽ.ഡി.സി.എൽ) ഉയർന്ന നാല് തസ്തികകളിൽ നിയമനം നടത്തുന്നു. കൂടുതൽ വിവരങ്ങൾ താഴെ ചേർക്കുന്നു.

◾ പോസ്റ്റ്: മെറ്റീരിയൽ കൺസൽടന്റ്
ഒഴിവുകൾ: 2
യോഗ്യത: മെക്കാനിക്കൽ/ ഇലക്ട്രിക്കൽസ്/ ഇലക്ട്രോണിക് എന്നിവയിൽ ബി.ഇ/ ബി.ടെക് ഡിഗ്രി
പരിചയം: ഷിപ്പ് റിപ്പയർ/ ഷിപ്പ് ബിൽഡിംഗ്/ ഷിപ്പ് മാനേജ്മെന്റ് എന്നിവയുടെ മെറ്റീരിയൽ ഡിവിഷനിൽ അഞ്ച് വർഷത്തിൽ കുറയാത്ത പരിചയം ഉണ്ടായിരിക്കണം. പർച്ചേഴ്സ്/ സംഭരണം എന്നീ മേഖലകളിൽ അറിവുള്ളവരായിരിക്കണം. മെറ്റീരിയൽ മാനേജ്മെന്റ്/ തത്തുല്യ ശാഖകളിൽ എം.ബി.എ ബിരുദധാരികൾക്ക് പരിഗണന നൽകും.
വേതനം: ₹40,000/-
വയസ്സ്: 62 വയസ്സിൽ കവിയരുത്. (എസ്.സി/എസ്.ടി/ ഒ.ബി.സി വിഭാഗത്തിൽ പെടുന്ന ഉദ്യോഗാർഥികൾക്ക് 5 വർഷത്തെ ഇളവ് ലഭിക്കും.

◾ പോസ്റ്റ്: അസിസ്റ്റന്റ് (മെറ്റീരിയൽസ്)
ഒഴിവുകൾ: 2
യോഗ്യത: ബി.ടെക് (മെക്കാനിക്കൽ)/ എം.ബി.എ (മെറ്റീരിയൽസ് മാനേജ്മെന്റ്)
പരിചയം: ആവശ്യമില്ല. ഫ്രഷേയ്സിനും അപേക്ഷിക്കാം. ലോജിസ്റ്റിക്/ സപ്ലൈ ചൈൻ മാനേജ്മെന്റിൽ എം.ബി.എ ബിരുദമുള്ളവർക്ക് പ്രത്യേക പരിഗണന. മെറ്റീരിയൽ സംഭരണവുമായി ബന്ധപ്പെട്ട നിയമങ്ങളിൽ പരിജ്ഞാനമുള്ളവർക്ക് കൂടുതൽ പരിഗണന നൽകും.
വേതനം: ₹25,000/-
വയസ്സ്: 40 വയസ്സിൽ കവിയരുത്. എസ്.സി/എസ്.ടി/ ഒ.ബി.സി വിഭാഗത്തിൽ പെടുന്ന ഉദ്യോഗാർഥികൾക്ക് 5 വർഷം ഇളവ് ലഭിക്കും.

കോൺട്രാക്ട് അടിസ്ഥാനത്തിലാണ് നിയമനം നടത്തുന്നത്. രണ്ട് തസ്തികകളിലും ലക്ഷദ്വീപുകാർക്ക് ആദ്യ പരിഗണന നൽകും. യോഗ്യരായ ദ്വീപുകാർ ഇല്ലെങ്കിൽ മാത്രം വൻകരയിൽ നിന്നുള്ള അപേക്ഷകരെ പരിഗണിക്കും. ഈ മാസം 27-ന് രാവിലെ 10 മണി മുതൽ വൈകുന്നേരം 5 മണി വരെ കവരത്തിയിലുള്ള എൽ.ഡി.സി.എൽ ആസ്ഥാനത്ത് വെച്ച് ഇന്റെർവ്യൂ നടത്തപ്പെടും. ബയോഡാറ്റ/ ഒറിജിനൽ സർട്ടിഫിക്കറ്റുകൾ എന്നിവക്കൊപ്പം ആവശ്യമായ രേഖകളുടെ സെൽഫ് അറ്റസ്റ്റ് ചെയ്ത പകർപ്പുകൾ സഹിതം ഈ മാസം 26-ന് വൈകുന്നേരം അഞ്ച് മണിക്ക് മുമ്പായി എൽ.ഡി.സി.എൽ ആസ്ഥാനത്ത് ഒ.എസ്.ഡി ആയി സേവനം ചെയ്യുന്ന ശ്രീ.പി.നല്ലകോയയുടെ പക്കൽ നിങ്ങളുടെ അപേക്ഷകൾ സമർപ്പിക്കാവുന്നതാണ്. കൂടുതൽ വിവരങ്ങൾക്ക് കൊച്ചിയിലേയോ കവരത്തിയിലേയോ എൽ.ഡി.സി.എൽ ഓഫീസുകളുമായി ബന്ധപ്പെടുക.