പണ്ടാരഭൂമിക്ക് നേരെ കൈവെച്ചു തുടങ്ങി. കവരത്തി ഹെലിപാഡിന് അടുത്തുള്ള സ്വകാര്യ ഭൂമിയിൽ ബോർഡ് സ്ഥാപിച്ച് ലക്ഷദ്വീപ് ഭരണകൂടം.

കവരത്തി: പണ്ടാര ഭൂമിക്ക് നേരെ ലക്ഷദ്വീപ് ഭരണകൂടം കൈവെച്ചു തുടങ്ങി. കവരത്തി ഹെലിപാഡിന് അടുത്തുള്ള സ്വകാര്യ ഭൂമിയിൽ സർക്കാർ ഭൂമിയാണെന്ന് കാണിച്ചു കൊണ്ടുള്ള ബോർഡ് സ്ഥാപിച്ചു. പണ്ടാര ഭൂമി പിടിച്ചെടുക്കാനുള്ള ലക്ഷദ്വീപ് ഭരണകൂടത്തിന്റെ ശ്രമങ്ങൾക്കെതിരെ വ്യത്യസ്തമായ പ്രതിഷേധങ്ങളും നിയമ പോരാട്ടങ്ങളും നടക്കുന്നതിനിടെയാണ് ലക്ഷദ്വീപ് ഭരണകൂടത്തിന്റെ പുതിയ നീക്കം. ശക്തമായ പ്രതിരോധം തീർത്തില്ലെങ്കിൽ കൂടുതൽ ഭൂമികളിൽ ഇതേ രീതി തന്നെ ഭരണകൂടം തുടരുമെന്നാണ് സൂചന.