ലക്ഷദ്വീപിലേക്കുള്ള വിമാന സർവീസുകൾ മെച്ചപ്പെടുത്തുക എന്നത് ഒരു ദേശീയ ആവശ്യമാണ്; -ഡോ. രാധാ മോഹൻ ദാസ് അഗർവാൾ

ഡൽഹി: ബി.ജെ.പി രാജ്യസഭാംഗവും ലക്ഷദ്വീപിലെ ബി.ജെ.പി പ്രഭരിയും കേരളത്തിലെ സഹ-പ്രഭരിയമായ ഡോ രാധാ മോഹൻ ദാസ് അഗർവാൾ രാജ്യസഭയിൽ ദ്വീപിലേക്കുള്ള വിമാന സർവീസുകലെ കുറിച്ച് പ്രത്യേക പരാമർശം നടത്തി. കേരളത്തിൽ നിന്ന് ലക്ഷദ്വീപിലേക്കുള്ള വിമാന സർവീസുകളും ലക്ഷദ്വീപിലെ 10 ദ്വീപുകൾ തമ്മിലുള്ള ഇന്റർ ഐലൻഡ് എയർ കണക്ഷനും സംബന്ധിച്ച വിഷയമാണ് അദ്ദേഹം പ്രത്യേകമായി രാജ്യസഭയിൽ ഉന്നയിച്ചു.

ഡോ. രാധാ മോഹൻ ദാസ് അഗർവാൾ പിന്നീട് ജ്യോതിരാദിത്യ ഷിന്ദയെ കാണുകയും ദയനീയാവസ്ഥയെക്കുറിച്ച് അദ്ദേഹത്തെ അറിയിക്കുകയും ചെയ്തു.

ലക്ഷദ്വീപിൽ ആവശ്യമായ ചികിത്സാ സൗകര്യങ്ങളോ ഉന്നതവിദ്യാഭ്യാസത്തിന്റെ കേന്ദ്രങ്ങളോ ഇല്ലെന്നും സാധാരണ ആവശ്യത്തിന്നായി മിക്ക ആളുകളും കേരളത്തിൽ വരേണ്ടതുണ്ടെന്നും അഗർവാൾ പറഞ്ഞു. കൊച്ചിയിൽ നിന്ന് അഗത്തിയിലേക്ക് 72 പേർക്ക് ഇരിക്കാവുന്ന ഒരു വിമാനം മാത്രമാണുള്ളത്. ഇത് വളരെ തുച്ഛമാണ്. വിമാനങ്ങൾ ഇല്ലാത്തതിനാൽ ആളുകൾക്ക് ചികിത്സ കഴിഞ്ഞ് വരാനും കഴിയുന്നില്ല. പ്രതിദിനം 5-6 വിമാനങ്ങളെങ്കിലും ഉണ്ടായിരിക്കണം.

കവരത്തി, അഗത്തി, ആന്ത്രോത്ത് , മിനിക്കോയ്, കിൽത്താൻ, കൽപ്പേനി, ബിത്ര, ചെത്ത്ലത്ത് , കടമത്ത് , അമിനി, ബംഗാരം എന്നീ 10 ദ്വീപുകൾ ലക്ഷദ്വീപിലുണ്ടെന്ന് എംപി പറഞ്ഞു. എല്ലാ ആളുകൾക്കും അന്തർ-ദ്വീപ് ബന്ധുക്കൾ ഉണ്ട്, എന്നാൽ ഗതാഗത സേവനങ്ങളുടെ അഭാവം കാരണം, അവർ പരസ്പരം അകന്നിരിക്കുന്നു. പ്രതിദിനം ആയിരക്കണക്കിന് ആളുകളാണ് യാത്രാ ദുരിതത്തിൽ ബുദ്ധിമുട്ട് നേരിടുന്നത്.

സിവിൽ ഏവിയേഷൻ മന്ത്രാലയം രാജ്യത്തുടനീളം ഇന്റർ-സിറ്റി ഉഡാൻ യോജന വിജയകരമായി നടത്തി വരികയാണെന്ന് ഡോ അഗർവാൾ പറഞ്ഞു. എന്തുകൊണ്ടാണ് ലക്ഷദ്വീപ് ജനതയെ അവഗണിക്കുന്നതെന്ന് ഡോ രാധാ മോഹൻ ദാസ് അഗർവാൾ സഭയിൽ ചോദിച്ചു. ലക്ഷദ്വീപിൽ ഇന്റർ ഐലൻഡ് ഹാളി – സർവീസുകൾ ആരംഭിക്കണമെന്ന് അഗർവാൾ മന്ത്രിയോട് ആവശ്യപ്പെടുകയും ചെയ്തു.