ന്യൂയോര്‍ക്ക്: ഈ ലോക്ഡൗണ്‍ കാലത്ത് വീടുകളില്‍ അടങ്ങിയൊതുങ്ങിയിരിക്കുന്ന ആളുകള്‍ വീഡിയോ കാളിലൂടെ സ്വന്തം കുടുംബങ്ങളെയും സുഹൃത്തുക്കളെയും കണ്ടാണ് ആശ്വാസം കണ്ടെത്തുന്നത്. ജനപ്രിയ സമൂഹമാധ്യമങ്ങളില്‍ ഒന്നായ വാട്സ്ആപ്പില്‍ നേരത്തെ നാല് പേര്‍ക്ക് മാത്രമാണ് ഗ്രൂപ്പ് കാളില്‍ ഏര്‍െപടാനായിരുന്നത്. സൂം, ഗൂഗ്ള്‍ ഡുവോ, ഐ.എം.ഒ എന്നീ അപ്ലിക്കേഷനുകളെത്തേടി ഉപഭോക്താക്കള്‍ പോയതിനെത്തുടര്‍ന്നാണ് വാട്സ്ആപ്പ് ഫീച്ചേഴ്സില്‍ മാറ്റം വരുത്താന്‍ തയാറായത്.
ഇനിമുതല്‍ നാലിന് പകരം എട്ടുപേര്‍ക്ക് വാട്സ്ആപ്പ് ഗ്രൂപ്പ് കാളില്‍ പങ്കുചേരാന്‍ സാധിക്കും. ഫേസ്ബുക്ക് സി.ഇ.ഒ മാര്‍ക്ക് സുക്കര്‍ബര്‍ഗാണ് വെള്ളിയാഴ്ച ഇക്കാര്യം വ്യക്തമാക്കിയത്. നിലവില്‍ ബീറ്റ വേര്‍ഷനില്‍ മാത്രമാണ് അപ്‌ഡേറ്റ് വന്നത്. എല്ലാ വാട്സാപ്പ് ഉപഭോക്താക്കള്‍ക്കും ഇൗ സൗകര്യം അടുത്ത ആഴ്ച മുതലാണ് ലഭ്യമാകുക.
ഇതോടൊപ്പം സൂം ആപ്പിന് കനത്ത വെല്ലുവിളി ഉയര്‍ത്തി മെസഞ്ചര്‍ റൂമില്‍ മാറ്റങ്ങള്‍ വരുത്തിയിരിക്കുകയാണ് ഫേസ്ബുക്ക്. ഒരുസമയം 50 പേര്‍ക്ക് വരെ െമസഞ്ചര്‍ റൂമിലെ വീഡിയോ കാളിങ്ങില്‍ പങ്കെടുക്കാം.
ദ്വീപ് മലയാളി ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം... വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഏറ്റവും പുതിയ വാർത്തകൾ അറിയാൻ ദ്വീപ് മലയാളി ആപ്പ് ഡൗൺലോഡ് ചെയ്യുക
