ആന്ത്രോത്ത് ആശുപത്രിയിൽ റേഡിയോളജിസ്റ്റിന്റെ നിയമം ആവശ്യപ്പെട്ട് മഹിളാ കോൺഗ്രസ് അധികാരികൾക്ക് കത്ത് നൽകി.

ആന്ത്രോത്ത്: ആന്ത്രോത്ത് കമ്മ്യൂണിറ്റി ഹെൽത്ത് സെന്ററിൽ ഉള്ള സ്കാനിംഗ് മെഷീൻ പ്രവർത്തിപ്പിക്കാൻ റേഡിയോളോജിസ്റ്റിനെ നിയമിക്കണം എന്ന് ആവശ്യപ്പെട്ട് ആന്ത്രോത്ത് മഹിളാ കോൺഗ്രസ്‌ മെഡിക്കൽ ആൻഡ്‌ ഹെൽത്ത്‌ സർവീസ് ഡയറക്ടർക്ക് കത്തയച്ചു . സ്കാനിംഗ് മെഷീൻ കൈകാര്യം ചെയ്യാൻ അംഗീകാരമുള്ള ആളില്ലാത്തതിനാൽ രോഗികൾ ബുദ്ധിമുട്ടുകയാണ്. കവരത്തിയിൽ അംഗീകൃത ആൾ ഉണ്ടെങ്കിലും സ്കാനിംഗ് മെഷീൻ പ്രവർത്തിക്കുന്നില്ല. സ്കാനിംഗ് ആവശ്യമായി വരുന്ന പലരും ബുദ്ധിമുട്ടിലാണ്. ഈ സാഹചര്യത്തിൽ, സ്കാനിംഗ് മെഷീൻ കൈകാര്യം ചെയ്യാൻ കഴിയുന്ന ഉദ്യോഗസ്ഥനെ ആന്ത്രോത്തിലേക്ക് നിയോഗിക്കുന്നതിനുള്ള സാധ്യതകൾ അന്വേഷിക്കണമെന്ന് കത്തിൽ ആവശ്യപ്പെടുന്നു, ഉദ്യോഗസ്ഥനെ റൊട്ടേഷൻ അടിസ്ഥാനത്തിൽ നിയോഗിക്കാവുന്നതാണ്, അതിനാൽ അദ്ദേഹത്തിന്റെ സേവനം രണ്ട് ദ്വീപുകളിലും ലഭ്യമാകുകയും രോഗികളെ സഹായിക്കുകയും ചെയ്യും എന്നും കത്തിൽ പറയുന്നു.